واخرتها ايه ؟ ..يلا نتغير

‏‫‎- و آخرتها إيه معاك ..

هتفضل قاعد كده من غير هدف ..
...
عايش و مش عايش ..
...
بتدفن نفسك عشان مش عايز تشوفها ..

◄ جربت كتير و حاولت كتير و الله و مفيش فايدة صدقني

- طيب يا بطل إيه رأيك في فكرة حلوة قوي ..

◄ قول يا أبو الأفكار لما نشوف ..

- آه شكلك هتتريئ عليا و هتبدأها معايا تهريج

◄ لا لا و الله ده أنا أحبك عشان خايف عليا..

- و انا كمان بحبك و الله و ده اللي دفعني أني أكلمك في الموضوع ..

المهم ..

◄ قول ربنا يكرمك

- أنا حاسس بيك و الله ..
حاسس أنك مفيش حد في الدنيا قادر يفهمك و كل شوية هم زيادة عليك
و كمان عليها شوية ذنوب بقا و شوية توابل و و

امممممممم

فكرتي بقى أنك تحاول تقرب من ربنا..

◄ يااااااااه ده أنا صليت و دعيت ربنا و كل ده و محصلش حاجة

- أستنى بس .. أنا جاي لك في الكلام اهه

◄ معاك يا جميل

- السبب هنا أنك مش عايز تتغير بجد من جواك ..

فاكر أنك بتمثل على نفسك أنك بتقرب من ربنا ..

صدق التغيير و اللجوء لله آه هو ده الحل

◄ صدقني في مرة كنت كده و حاولت أتغير و أكون إنسان جديد بس حسيت بعدها إني مخنوق
و الدنيا كلها بتديق عليا ..

- ربنا يشرح صدرك .. بص عايز أقول لك حاجة

◄ ها

- تعرف أن قلب كل واحد فينا عامل زي السفنجة

◄ ههههه أنت بتهزر ولا إيه

- لا لا بجد ..
تعرف لما تجيب سفنجة مثلا و تشربها حبر أسود
لما تحب تنظفها بتعمل إيه

◄ بعصرها طبعاو كمان شوية مياة و كده

- أيييييييييوة بالظبط بقى هو ده اللى بيحصل لك

◄ أزاي يعني !!

- فاكر لما قولت لك أن قلبك زي السفنجة

◄ آه

- لما تحب تنظفه بقى ..
هيتعصر كده آه
هتحس أن الدنيا بتديق حوليك و أحيانا تبقى مخنوق و و

◄آه

- في الفترة دي بقى يا بطل الشيطان بيجي لك فيها و يكرهك في الدنيا كلها
لأنه مش عايزك تتغير طبعا ..
و كمـــان ربنا بيمتحن قلبك في الفترة دي هتصبر و لا مكنتش صادق

◄ طيب و الحل إيه

- آه عليك بقى بالمنظفات و شوية مياة علشان يساعدوك و انت بتعصر السفنجة

◄ ازاي يعني

القرآن " ألا بذكر الله تطمئن القلوب "

أستغفر كتيييييييييييييييييييير جدا " مفعوله مؤثر على فكرة "

و خلي بالك

( رغبه + معرفة + ممارسه + استمرار ) = تـغـيـيــــر

◄ يااااااااااه ربنا يجزيك خير يارب

- أستنى بس عايز أقول لك حاجة كمان أنا لسة مخلصتش كلامي ..

◄ معاك

- المعادلة زي ما أنت عارف لو شيلنا عنصر من أحد اطرفها .. هتبقى غلط

كمان عايز أقول لك حاجة ..

صدقني القرب من ربنا و التقرب إليه و طاعته كل ده هيخلى حياتك جميلة
فما أحلى الحياة في طاعة الله .. من الآخر مش هتلاقي أي حاجة صعبة خالص مالص يعني

◄ آه

- بص مهو مشكلتنا أننا قفلنا على ديننا جوا المساجد و بس و كل واحد فاكر أنه عمل اللى عليه

◄ طبعا , معاك حق

- مش عايز أطول عليك بس أنت أكيد فاهم ..

◄ معلش وضح الحتة دي بس

- بص معلش عشان ورايا محاضرة دلوقت هديك أنشودة حلوة ع السريع تبقى تسمعها
هتقرب لك اللي كنت عايز أقوله و خليك فاكر المعادلة

◄ربنا يجزيك خير أنا قلبي أنفتح لك و الله و هدعيلك كمان

- الله مهو هو ده اللي أنا عايزه

سلام بقى لحسن المحاضرة بدأت

◄ مع السلامة ربنا يسعدك
__________________

تسلمي اختي بارك الله فيك

شكرا لمرورك اختي

تحياتي العطرة لكي